14 ágú Örfá laus pláss í Söngskóla Sigurðar Demetz
Fáeinir nemendur geta enn komist að í Söngskóla Sigurðar Demetz nú í haust.
Skólinn tekur á móti nemendum í grunn-, mið- og framhaldsstig (einsöngsdeild) en auk þess „fjórðaþreps“-nemendum. Þá er einnig starfrækt söngleikjadeild og unglingadeild við skólann.
Kennarar skólans eru margir og búa yfir fjölbreyttri reynslu hvort sem er við kennslu eða á óperu-og söngleikjasviðinu. Nánari upplýsingar um kennara skólans má lesa hér. Síðasta vetur náðu nemendur skólans góðum árangri og fengu ótal tækifæri sem efldu færni þeirra. Í ljósi betri fjárhagsstöðu skólans þetta haust er ástæða að ætla að skólastarfið verði enn öflugra í vetur.
Þeir sem hafa áhuga á að þreyta inntökupróf geta sótt um á vef skólans en prófunum sem verða haldin í húsnæði skólans að Ármúla 44, 3. hæð (gengið inn frá Grensásvegi, á jarðhæð er verslunin Rekkjan).
Haustinntökupróf Söngleikjadeildar Söngskóla Sigurðar Demetz verður miðvikudaginn 24. ágúst frá kl. 16. Deildin verður stækkuð örlítið í ár og því eru laus nokkur pláss.
Fyrir umsækjendur í aðrar deildir verður fundinn hentugur tími í samráði við umsækjendur og einstaka kennara.
Hægt er að smella hér til að fá beinan aðgang að umsóknum. Við vekjum athygli á því að við getum aðeins tekið á móti takmörkuðum fjölda nemenda. Skólinn verður settur 29.ágúst og á heimasíðu hans songskoli.is er að finna nánari upplýsingar um skólastarfið.
Engar athugasemdir