Stúdentsbrautir í boði í samstarfi SSD við MS

07 ágú Stúdentsbrautir í boði í samstarfi SSD við MS

Söngskóli Sigurðar Demetz stendur á ánægjulegum krossgötum nú í haust.

Tekist hafa samningar milli SSD og Menntaskólans við Sund (MS) um stofnun stúdentsbrauta í söng sem gerir nemendum mögulegt að nýta söng- og leiklistarnám í SSD til allt að helmings eininga til stúdentsprófs.

Brautirnar verða lagðar inn til umsóknar hjá menntamálaráðuneyti á næstu vikum. Nemendur sem hafa áhuga á að nýta sér þessa námsleið geta  sótt um hana í haust á vef SSD og geta þeir því hafið nám strax í lok ágúst. Þeir hinir sömu geta einnig sótt sér námsráðgjöf hjá MS. Einingar munu verða metnar um leið og stúdentsbrautirnar hafa hlotið samþykki menntayfirvalda og verður það mat í samræmi við annað listnám sem tengist stúdentsbrautum.

Við í SSD væntum þess að margir muni vilja nýta sér þessi nýju  tækifæri innan ramma söngnámsins og horfum til bjartrar framtíðar sönglistarinnar á Íslandi.