Stuart Skelton gestur Söngskóla Sigurðar Demetz í febrúar
17558
post-template-default,single,single-post,postid-17558,single-format-standard,bridge-core-3.1.1,qode-page-transition-enabled,ajax_fade,page_not_loaded,,qode-child-theme-ver-1.0.0,qode-theme-ver-30.0.1,qode-theme-bridge,qode_header_in_grid,wpb-js-composer js-comp-ver-7.0,vc_responsive

Stuart Skelton gestur Söngskóla Sigurðar Demetz í febrúar

Stuart Skelton gestur Söngskóla Sigurðar Demetz í febrúar

Það er okkur sönn ánægja aðtilkynna að hinn heimsþekkti tenórsöngvari Stuart Skelton verður gestur Söngskóla Sigurðar Demetz 15. febrúar næstkomandi en þá mun hann kenna nemendum skólans á sérstökum masterklass.

Stuart Skelton hefur sungið í helstu  óperuhúsum heims,  Metropolitan-óperunni í New York, óperuhúsunum í Seattle og San Francisco, Ensku þjóðaróperunni (ENO), Parísaróperunni, Ríkisóperunni í Berlín, Deutsche Oper í Berlín og Vínaróperunni. Meðal helstu hlutverka hans eru Lohengrin, Parsifal og Peter Grimes auk Florestan í Fidelio, Erik í Hollendingnum fljúgandi, Bakkus í Ariadne á Naxos, Max í Der Freischütz, Canio í Pagliacci og Siegmund í Niflungahringnum.

Skelton hefur einnig komið fram með sinfóníuhljómsveitunum í Atlanta, Boston, Chicago, Cleveland, San Francisco og Montreal, með Fílharmóníusveitinni í Los Angeles, Sinfóníuhljómsveit Lundúnaborgar og sinfóníuhljómsveitunum í Sydney og Melbourne. Hann hefur komið fram á tónlistarhátíðunum í Edinborg og Luzern og á BBC Proms og unnið með hljómsveitarstjórum á borð við Vladimir Ashkenazy, Daniel Barenboim, Jiri Bèlohlavek, Christoph von Dohnányi, Christoph Eschenbach, Mariss Jansons, James Levine, Lorin Maazel og Sir Simon Rattle.

Stuart Skelton söng hlutverk Peters Grimes samstarfsverkefni Sinfóníuhljómsveitar Íslands, Íslensku óperunnar og Listahátíðar vorið 2015 en það hlutverk hefur hann túlkað víða, m.a. við Ensku þjóðaróperuna í rómaðri leikgerð Davids Alden, á tónleikum á BBC Proms og með Lundúnafílharmóníunni undir stjórn Vladimirs Jurowski. Hann hefur í tvígang hlotið Sir Robert Helpmanverðlaunin, fyrir túlkun sína á Siegmund í Niflungahring Wagners árið 2005 og aftur árið 2010 fyrir Peter Grimes með Opera Australia sem besti karlsöngvari í aðalhlutverki. Hann var tilnefndur til Olivier-verðlaunanna fyrir framúrskarandi frammistöðu í hlutverki Peter Grimes með Ensku þjóðaróperunni árið 2010. Á þessu ári mun Skelton í fyrsta sinn takast á við hlutverk Tristans í Tristan og Ísold eftir Richard Wagner með Sinfóníuhljómsveinni í Sydney, og á næsta ári syngur hann hlutverkið við Metropolitan-óperuna í New York undir stjórn Sir Simon Rattle. Í haust hefur hann meðal annars sungið hlutverk Siegmund í Valkyrjum Wagners í Royal Opera House í London og veðrur sú uppfærsla sýnd í kvikmyndahúsum víða um heim.

Mynd:

Sim Canetty-Clarke
No Comments

Sorry, the comment form is closed at this time.