Saga óperunnar á hundavaði í Kópavogsleikhúsinu

26 mar Saga óperunnar á hundavaði í Kópavogsleikhúsinu

Nemendur Óperudeildar Söngskóla Sigurðar Demetz ætla að renna á hundavaði í gegnum sögu óperunnar í Leikfélagi Kópavogs fimmtudaginn 4. april kl 19.

Í gamansömu tímaflakki fáum við að kynnast tónskáldunum í eigin persónu, vandamálum þeirra og hégómleika. Hvernig týpa var Mozart? Var Händel þýskur Breti eða breskur Þjóðverji? Stal Bach aríu frá öðru tónskáldi? Af hverju er fyrsta óperan sem samin var glötuð, þ.e.a.s. týnd? Hvað kostar að fá stórtenór til að syngja í jarðarför?

Tónlistarstjóri: Antonia Hevesi
Leikstjóri: Bjarni Thor Kristinsson
Ljós: Jóhann Bjarni Pálmason

Söngvarar: Arnar Gísli Sæmundsson, Bryn Galdur Kristmunds, Diljá Huld Pétursdóttir, Hafey Hreinsdóttir, Jóhann Leó, Óskar Rafnsson, Rannveig Sól, Tory Lewis, Aria Kelci Octave & Rakel Þorsteinsdóttir.

Miðapantanir á gunnar@songskoli.is
Almennt miðaverð: 3.000 kr.
Nemendur & eldri borgarar: 1.500 kr.

Aðeins ein sýning og takmarkaður miðafjöldi!