Tónleikar Vinafélags Söngskóla Sigurðar Demetz í Hljómbjörgu

21 nóv Tónleikar Vinafélags Söngskóla Sigurðar Demetz í Hljómbjörgu

Þriðjudagskvöldið 22. nóvember kl. 19.30 verður Vinafélag Söngskóla Sigurðar Demetz með tónleika í salnum Hljómbjörgu á 2. hæð Ármúla 44. Dagskráin verður fjölbreytt að vanda og verða sérstakir gestir fyrrum nemandi skólans, Elmar Gilbertsson ásamt Raddbandafélagi Reykjavíkur.

Vinafélag Söngskóla Sigurðar Demetz var stofnað haustið 2015 og hefur félagið verið skólanum mikil stoð  síðustu árin, en oft hefur skólinn lent í erfiðleikum á þessu tímabili vegna vanfjármögnunar kennslu.  Nú er komið ár frá síðustu tónleikum Vinafélagsins og kominn tími til að þakka félögum þess veitta aðstoð.

Það er okkur öllum sem að skólanum koma, nemendum sem og kennurum, mikils virði að finna velvild frá vinum SSD en það hefur einnig munað gríðarlega um hve vel félagið hefur stutt fjárhagslega við starfsemina. Margir tengjast félaginu til að minnast Sigurðar Demetz og líta þá til þess að skólinn leggur mikið upp úr því að halda nafni hans og minningu á lofti. Mestu hefur munað síðasta árið um stuðning vegna salarins Hljómbjargar sem opnaði í fyrrahaust. Félagið hefur fjármagnað kaup á stórum hluta af gluggatjöldum og ljósabúnaði þar inni og hefur sá stuðningur skipt sköpum við að bæta notagildi salarins. T.a.m. hafa nú verið sýndar þar smærri óperusýningar.

Á tónleikunum 22. nóvember fáum við að heyra í mörgum af okkar þekktustu söngvurum. Í hópnum eru auk Elmars og Raddbandafélagsins kennarar skólans; Hallveig Rúnarsdóttir, Guðrún Jóhanna Ólafsdóttir, Lilja Guðmundsdóttir, Bjarni Thor Kristinsson, Jana María Guðmundsdóttir, Margrét Hrafnsdóttir , ásamt  gítarleikaranum Francisco Javier Jáuregui Narváez og píanóleikurunum Antoniu Hevesi og Aladar Racz.

Eins og áður segir er aðgangur ókeypis á tónleikana fyrir félaga í vinafélaginu en hægt er að ganga í félagið á staðnum. Árgjald er kr. 5.000 fyrir einstaklinga og kr. 6.000 fyrir hjón/pör. Námsmenn greiða hálft gjald og vonast Vinafélagið til að sjá sem flesta nýja félaga á skemmtuninni.

Hljómbjörg, salur Söngskóla Sigurðar Demetz er á 2. hæð í Ármúla 44 og er gengið í húsið Grensásvegar megin. Við hlökkum til að taka á móti fríðum hóp tónleikagesta á þessum öðrum vinafélagstónleikum innan veggja skólans okkar.