Tónleikar vinafélags SSD í Háteigskirkju 3. júní

24 maí Tónleikar vinafélags SSD í Háteigskirkju 3. júní

Vinafélag  Söngskóla Sigurðar Demetz verður með tónleika fimmtudagskvöldið 3. júní í Háteigskirkju kl. 20 en þar munu eins og venjan er, koma fram fyrrverandi og núverandi nemendur skólans ásamt kennurum hans.  Langt er síðan félagið náði að halda tónleika fyrir vinafélaga og því mikil gleði að geta komið loks saman.
Vinafélag Söngskóla Sigurðar Demetz var stofnað haustið 2015 en félagið hefur verið skólanum mikil stoð í erfiðleikum síðustu. Frá stofnun félagsins hefur það gefið aðra milljón króna til sýningarverkefna eða hljóðfærakaupa hans. Það er SSD mikilvægt að eiga slíkan bakhjarl en við viljum beina því til þeirra sem vilja sýna skólanum stuðning að hægt er að að senda póst á vinafelagdemetz@gmail.com en þar er einnig hægt að senda óskir um inngöngu í félagið.

Á tónleikunum 3. júní koma fram eftirfarandi listamenn: Diddú, Hallveig Rúnarsdóttir, Guðrún Jóhanna Ólafsdóttir, Viðar Gunnarsson, Þor Breiðfjörð, Árni Heiðar Karlsson, Laufey S. Haraldsdóttir og Alexander Jarl Þorsteinsson.
Ókeypis er á tónleikana fyrir félaga í vinafélaginu en hægt er að ganga í það á staðnum. Árgjald er 5.000 krónur fyrir einstaklinga en 6.000 krónur fyrir hjón/pör. Námsmenn greiða hálft gjald og vonast vinafélagið til að sjá sem flesta á skemmtuninni.